Reunídevos 8 persoas e pasade unha fantástica fin de semana nesta casa rural!

O plan inclúe o aluguer da casa un fin de semana coas súas dúas noites, e saída o domingo ás 17:00 horas. Para alugar a casa deberás mercar 8 cupóns.

Lar Atlantis é unha casa de dous pisos, 5 cuartos duplos, 3 baños, 2 salóns e cociña. O océano pódese ver desde 4 cuartos e desde o salón, onde poderás gozar dunha gran fiestra onde poder ver a marabillosa posta de sol.

A contorna da casa é ideal para familias ou grupos de amigos, debido á gran cantidade de espazos para saír a camiñar pola praia ou a montaña.

Fronte á casa está o monte “Tahume” no que se recomenda unha camiñada ata o cume logo de pasar pola “Ermida de San Benito” que queda de camiño. Desde a casa tamén hai dúas fermosas rutas ligadas á costa, unha cara a praia de “As Furnas”, de camiño atoparán “As lagoas de Vixán” dunha gran riqueza ornitolóxica; e outra ata o faro de Corrubedo, o carreiro está sinalizado e a paisaxe é dunha extraordinaria beleza.

Desde Ribeira pódese chegar ao “Mirador da Curota” que ten unhas vistas espectaculares á ría de Muros-Noia e da ría de Arousa, outro mirador fantástico está alén de Ribeira, onde poderedes ver a zona de Corrubedo e o “Parque Natural dás Illas Atlánticas”.